صدقنى فأنا أقول هذا

فى الاول اسمحولى اشرحلكم الحكاية

هتعد معيا من واحد لغاية عشرين بطريقة معين

وعليك تنفيذ الاتى

اولا : لازم وانت بتعد تسمع صوتك

ثانيا : لازم وانت بتعد يكون مؤشر الماوس على الرقم اللى بتعده

ثالثا : تعد بهدؤ ووحدة وحدة

ولما تخلص عد هتلاقى فى الاخر مكتوب

اسمك بالكامل

تاريخ ميلادك

رقم تيلفونك

هتتجوز مين

ملحوظة : لو منفذتش الثلاث خطوات ونزلت لاخر الموضوع على طول مش هتلاقى حاجة

اوكى معايا بقى

1

2

3

4

5

6

7

8

9

10

11

12

13

14

15

16

17

18

19

20

هى دى مشكلتنا بنصدق اى حاجة

اى حد يقولنا على اى حاجة صح او غلط نصدق على طول

وحدة تقول لوحدة بنتى كبرت ولسة ماتجوزتش تقولها دى معمولها عمل

والست تصدق و تجرى على الدجالين وتصدقهم

بنت تقول لبنت مش عارف اعملى ايه وانتى تخسى كل يوم اتنين كيلو

والبنت تصدق وتعمل كده

وهحكيلكم حكاية حصلت فى بلدنا

حكاية فكاهية جدا وتدرج تحت بند صدق او لا تصدق

الحكاية ان فيه فترة كانت ازازة الزيت بسته جنيه وفى يوم

نزلوا مجموعة اشخاص بعربية نقل كبيرة مليانة كراتين زيت

وفوق العربية مكبر صوت وقالوا ازازة الزيت بتنين جنيه وفى خلال 15 دقيقة

كانت البلد كلها واقفة قدام العربية اللى اشترى خمس ازايز واللى اشترى عشرة

واللى كرتونة واللى تلاتة يعنى البلد كلها وبدون استثناء اشترت زيت المهم

ان الناس صدقت بتوع الزيت وده قال لده وده قال لده والناس كلها صدقت بعض

ومفيش واحد سال طب ليه بتوع الزيت بيبيعوا رخيص قوى كده المهم

ان فى خلال ساعة كان الزيت كله اتباع وعلى اخر النهار حصلت حاجة غريبة

وحدة ست فتحت ازازة زيت كانت هتقلى حاجة او هتحمر حاجة المهم

لقيت ريحة الزيت مش ريحة زيت وكانت المفجاة ان الزيت عبارة عن

حلبة حصا مغلية ومتعبية ومع ذلك الست لسة مصدقة بتوع الزيت

وقالت يمكن الزيت بتعنا جه غلط معاهم وراحت خبطت على جارتها وشافت الزيت بتعها

وللاسف طلع حلبة برضه ودى تقول لدى ودى تقول لدى وهكذا وانتشر خبر الحلبة فى البلد

انتشار النار فى الهشيش . وده كله ليه لاننا بنصدق اى حد

بنصدق حاجات مينفعش ان احنا نصدقها لكن بنضحك على نفسنا وبنصدق

زى مانتا عملت دلوقتى صدقتنى لما قلتك عد لغاية عشرين وانا هعرف عنك كل حاجة

معقولة دى ؟؟؟؟؟؟؟؟؟

والاغرب ان احنا مبنصدقش كلام ربنا

ربنا يقولك اجرة الخطية هى موت ومع ذلك نمش فى الخطية ومنصدقش ربنا

ربنا يقولك لا تخف انى معك ومع ذلك تتعب شوية تخاف تدخل امتحان تخاف تواجه مشكلة تحاف

ومتصدقش ربنا مع انه هو الوحيد اللى المفروض نصدقه لانه الوحيد اللى كلامه ووعوده صادقة

اتمنى ان احنا منصدقش اى حد او اى حاجة

ونفكر شوية هل ده معقول ولا لا

ونثق اكتر من كده فى ربنا ونصدقه

بدل ما تشترى الزيت وتطلع حلبة

وتقول ياريت اللى جرى ما كان

ربنا يقولك لا تخف انى معك ومع ذلك تتعب شوية تخاف تدخل امتحان تخاف تواجه مشكلة تحاف
اية الوضوع التحفة دة ياشيكسبير بجد احنا بنصدق كل حاجة وبنلغى عقلنا وحتى الحاجة الوحيدة اللى المفروض تتصدق وهى وعود ربنا مابنصدقهاش ميرسى ليك كتير بجد

شكرا لإهتمامك و ردك اللطيف
فعلا افضل حاجة نصدقها هى وعود ربنا
انا لما قريت الموضوع لأول مرة حسيت عينى بتدمع لأنى كنت واقع فى مشكلة حلها انى اسلم همى ليه
و فعلا القى على الرب همك و هو يعولك

شكرا جزيلا لمرورك الكريم