اجمل ماقيل في حق الرجل ورينى شاطرتك ياعم شيكسبير

[size=29] اجمل ماقيل في حق الرجل

جلست بعض السيدات فى النادى ,

فتحدثت سيدة منهم وبدأت تخطب فى وسط سيدات النادى وقالت :

قالوا ضل راجل ولا ضل حيطة ... ياختى بلا نيلة

1 - عمرك سمعتى عن حيطة بتشخر طول الليل ومتخلكيش تعرفى تنامى .

2 - ولا حيطه تدخل من باب البيت تجعر عايزة الغداء
وبعدين تطين عيشتك عشان الملح طلع زياده فى الباميه .

3 - ولا ممكن ترجعى البيت فى يوم تلاقى الحيطة بتبوس فى الشغاله .

4 - طب شفتى حيطة تملا سقف الشقه دخان والارض سبارس .

5- ولا حيطة تدوخك وراها عشان تشوفيها بتكلم مين
فى نص الليل فى التليفون .

6- طب الحيطة معروف مكانها طول الليل
انما المحروس يدوخك وراه عشان تعرفى كان سهران في انهو داهية .....
قال ايه عنده شغل : يا سم

7- ولا فى حيطة تحاول تطلعك غلطانه فى كل كلمه تقوليها
عشان تثبت للعيال ان الحيطه بتفهم عنك .

8- ولا حيطة تقعد تقولك ماتخرجيش بالفستان ده لحسان اقطعه
ولما تطلبى منه فلوس عشان تجيبى فستان غيره
تعمل ودن من طين وودن من .....

طيب ده حتى الحيطه ليها ودان

:64:

لالالالالالالالالالالالالالالالالالالالالالالالالا , لحد هنا ونقف بقى .
ده كدة سب رسمى للرجال وصدقينى اغابى لولا ان كل مواضيعك عجبانى جدا لكنت عملت لك محضر سب علنى وهيبقى معايا قداسة البابا بنفسه - اللى فى اول الصفحة فوق - شاهد .
وساعتها اغابى هتعرفى ان الحيطة مش بس ليها ودان , لأ وكمان ليها قلب بيحس وبيسامح والحيطة دى هتروحلك القسم بعيش وحلاوة او فوق وفلافل على حسب فلوس الحيطة بقى .
بالمناسبة الموضوع ده برضة عاجبنى .
ومتقوليش عليا منافق , لأنى بجد مش عارف اقول غير انك شاااااااااطرة جدا فى إثارة اعجابى .
مينا