هذا الموضوع هو ردى على الاخت
وردة حزينه
انواع البنات عالنت
فى أنواع كتير للبنات على النت
انا هاقولها
و ربنا يسترها معانا
لأنى أكيد هاكون مستهدف من دلوقتى
نقول بقى الأنواع
ورزقى على الله
اولا
ذات العلاقات المتعدده .... شنكوته يعنى
ودي بقي ربنا يكون في عونك
لما تقابلها علي النت
تبقي بتكلمك وبتكلم ادك انت وعيلتك
يعني ييجي 30 او 40 واحد في نفس الوقت
وتقولك واحشني موت انا داخله مخصوص عشان اكلمك انت يا اوحي يا اوحي
.......الهي تطلع اوحك ياشيخه
وتسرح بكل اللي بتكلمهم
وتستهبل وتلعب بمشاعر واحاسيس الشباب
وبعد ماتقفل معاهم
تقعد مبسوطه اوي من اللي عملته
ويمكن تسقف لنفسها كمان
علي دور البطوله في الفيلم الهندي
اللي كانت بتمثله علي كل الشباب
اللي عندها في المسنجر.....
ثانيا
الجد اوى
اللي هي رسمية زياده عن اللزوم
ودي كل كلامها معاك تقولك ايه
اللي انت بتقوله ده احترم نفسك ...
من فضلك..انت فاكرني ايه..
ولو قلت لها اخبارك ايه تقولك
:وانت مالك انت...دي حياتي الخاصه
...ازاي تسألني عن اخباري..وتديك محاضره عشان قلت ليها اخبارك ايه
ودي اخرتها هتقوم رزعاك بلوك
واحتمال كبير دليت
ثالثا
بتاعت مصلحتها
دي بقي متشفهاش علي النت
الا كل شهر مره مرتين حسب الحاجه
اللي هي عاوزاها منك
ولما تسالها انتي فين يابنتي
تقولك اصلي كان عندي امتحانات
او كنت بدخل ومش بلاقيك علي النت
او الجهاز كان بايظ
المهم انها بتقنعك وبتاكل عقلك
بكلمتين حلوين وانت ولا انت هنا
رابعا
العاقله
ودي بقي يانجم انت
بتحلل كل حاجه تحليل يخنقك انت
يعني لو قالت لك ازيك مثلا
وقلت لله انا عندي برد
ولا شويه صداع حتي تقولك ليه؟؟
يبقي اكيد نمت في المروحه
او اكيد انت سهران لوقت متأخر
او اكيد انت عندك حاجه
في النظر ولازم تكشف نظر او او او......
.الخ لغاية ماتتخنق انت
وتقوم عامل
لست الدكتوره دي بلوك غلس او دليت غتت
ياتري انت بتكلم انهي نوع بقي من دول يعم انت ؟؟
وياهلتري يابنات انتي انهي واحدة من دول ؟؟؟؟؟؟؟؟؟؟
موضوع: ردا على وردة حزينة 
الجمعة مارس 28, 2008 12:44 am
