صرخة اعمى

موضوع: صرخة اعمى الخميس فبراير 19, 2009 9:46 am

من قعدته قصاد الكمبيوتر وقت طويل – حس بـ إرهاق عينيه
فـ قرر يسترخي شوية

غمض عينيه .. وبـإيـديـه عملها مساج كـ محاولة لـ تخفيف التعب
ولأن شاشة الكمبيوتر بتتقفل كل دقيقة ( في حالة عدم لمسه الكيبورد والماوس أو عدم وجوده )
إنطفت الشاشة
وبعـد وقت مش كتير – فتح عينيه.. وفي سواد الشاشة - شاف ملامحه .. شاف حياته

وفجأة بدون مقدمات بدأ يتكلم بس مع نفسه .. مع الإنسان الغامض اللي محدش يعرفه غيره [center]كلامه كان صعب .. بس دي الحقيقة اللي واجه بيها نفسه

كانت دي صرخة صريحة منه بتعلن تسليمه الكامل لـ أبوه السماوي الطبيب الأعظم
بـ إنه يدوس ع الجرح .. يطلع منه صديد الماضي المؤلم وينضفه .. يضمده بـ إيديه الحنونة ويشفيه

مفكرش في الآلم ولا في صرخة الوجع
كل تفكيره كان في إزاي يحسبها ويعيشها صح..بنفس حسابات وتدبير ابوه لـ حياته
وبدأ يحس بالألم
[center]بس الغريب إن دي كانت صرخاته وكلماته مع كل قولة آآآآه

+ يوم ما قلت أنا الاساس ومن غيري اللي حواليا هيقعوا .. كنت غبي
- وأعمى يوم ما شـُـفت الاساس السليم ومبني صح – للأسف كان ع الرمل

+ لما فكرت إني اختار لـ نفسي بـ نفسي .. كنت غبي
- والتجربة فتحت لي عينيا وعرفت اني كنت أعمى

+ لما مشيت في موضوع مصيري – من غير ما أخد مشورة ربنا .. كنت غبي
- وأعمى لما شـُـفت إني ماشي في الطريق الصح.. لمجرد إني صدقت أوهام

+ لما افتكرت إن عيوبي وخطاياي الصعبة أكبر من غفران و دم يسوع .. كنت غبي
- وأعمى لاني مشـُـفـتـش دوووووول

لــــوط – اللي كان بيعذب نفسه البارة كل يوم بأفعاله الاثيمة.. بس ربنا تحنن وأنقذه

يعقوب – لما كذب على ابوه وخدع خاله لابان..لكنه اعترف وصرخ " لن أطلقك إن لم تباركني "

يوسف – اللي هرب وقال " كيف أصنع هذا الشر العظيم وأخطيء إلى الله "

داود – خطيته كانت صعبة .. لكن ندم وصلى عنها – ربنا غفرهاله وقال عنه انه

" رجل حسب قلبي "

بطرس – اللي انكر معرفته بـ يسوع .. برغم انه شاف معجزاته وأكل معاه وكان أقرب الناس لـه

الإبن الضال – بعد ما طلب ميراثه من ابوه وهو لسة عايش – راح ضيعه – لكن لما رجع لـ حضن ابوه – كل اللي عمله اتنسى وبدأ حياة جديدة .. وعاش فرحته بـ محبة ابوه الكبيرة العظيمة الفريدة في نوعها

+ لما قلت فين ربنا مني.. وإزاي ابويا وهو مش حاسس بيا وسايبني اتألم.. كنت غبي
- وأعمى .. عشان مش شايف حنية لمساته.. وباصص بس لـ ضعفي وتعبي.. مش لـ قوته ومشيئته

+ لما سلمت نفسي لـ مشاعر جريحة وحزينة.. وإنعزلت جوة دايرة يأس وصراع ذاتي.. كنت غبي
- وأعمى .. عشان مشـُـفتـش إيده وهي ممدودالي .. عايز يشفي كل جرح فيا ويرفعني.. ياخدني من بين ذكريات مؤلمة ويفرح قلبي من جديد

+ لما حصرت تفكيري في ضلمة ليل الهموم وأنا طالع نازل والموجة تخبط فيا .. كنت غبي
- وأعمى لإني مشـُـفتـكش بـ عين الإيمان.. الإيمان اللي انا جايلك بيه وهو متكسر جوايا

[center]آآآآآآآآآآآآآآآآآه يا ابويـــا
عشان كده..إمسكني إنت..حاوطني بإيديك

لاني كتير بستسلم لما الحرب بتقوىَ عليا

وده عـشــان مـش بـبــدأ يــومي بـيـــك

كنت بفضَّـــل حاجــات تانـيـــة علـيــــك

بكون عارف الصح و بصمم أعمل الغلط

وكتير كنت بدور على راحتي بعيد عنـك

ووقــت ألمي مكـنـتــش بـجـري عليــــك

برغم ان جوايا ليك كتير لكن مش بعيشه

تعالى علمني الدرس .. درس عمري كله

اللي ياريتـني اتعلمته وفهمته من زمـــان
[center]
منقول

[/center]
[/center]
[/center]
[/center]

موضوع: رد: صرخة اعمى الخميس فبراير 19, 2009 5:32 pm

شكرا اختي الغالية stmarygirl علي التامل الجميل دا

موضوع: رد: صرخة اعمى الخميس فبراير 19, 2009 5:40 pm

ميرسى جداا لردك

موضوع: رد: صرخة اعمى الخميس فبراير 19, 2009 9:09 pm

انا مش قادر اتكلم بس عايزه اقولك انى اتأثرت جدا من الكلام الجميل ده جدااااااااااااااااااا

ربنا يباركك

موضوع: رد: صرخة اعمى الجمعة فبراير 20, 2009 10:00 pm

ميرسى جدا
وفعلا تركت تاثير عميق فى قلبى انا كمان

موضوع: رد: صرخة اعمى الخميس فبراير 26, 2009 2:22 pm

كلمات تلمس القلب والوجدان فعلااااااا لان دة فعلااااااااااااااااا حال كل البشر شكرااااااااااااااااااااااااا stmarygirl للموضوع الرائع الرب يباركك

موضوع: رد: صرخة اعمى الخميس فبراير 26, 2009 2:26 pm

ميرسى جدا لمرورك وردك
نورت المنتدى تانى