اصرخ يا قلبى و قول

اصرخ ياقلبى وقول
قول للبشر على اللى حصل
اصرخ واحكى للزمان
عرف الناس باللى كان
عرف الكاثوليك و الانجليكان
عرف البروتستانت فى كل مكان
اصرخ وشاور على الصليب
قولهم دا ربى الحبيب
اصرخ واحكى عن الالام
من اجل خلاص المنشقين النيام
اصرخ ياقلبى وعلى صوتك
دى حياتة كانت ثمن بدل موتك
ليه ياقلبى لسة صامت
واجههم يا ارثوذكسى يا ثابت
اصرخ وقول دا المسيح
عشانك انت واقف جريح
اصرخ ياقلبى بالحقيقة
احكى عن الاستقامة و الروح البريئة
اصرخ ي قلبى ياللى ساكت
دى الخطية فى قلوبهم زادت و سادت
لسة يا ارثوذكسى واقف من بعيد؟
مستنى يصلبوه من جديد؟
مستنى تانى يكللوه؟
وباشواك العصيان يألموه؟
وبعار الضلال يتوجوه؟
لكن لا و الف لا
كل ارثوذكسى فينا بيقول لا
مش هنستنى لما ينزف تانى المسيح دماه
لسة يا ارثوذكسى واقف من بعيد؟
لسة بتسأل اية الجديد؟
اللاهوت المقارن كتاب حديد
كتاب البابا الارثوذكسى العتيد
لا ياقلبى اسمعنى واصرخ
صرخة غيرة صرخة مريرة
صرخة خوف عظيم
على الايمان المستقيم
اصرخ صرخة تصحى القوم
تصحيهم من ثبات النوم
تنفض عنهم الغبار
غبار المطهر و الحكم الالفى
غبار الصراخ فى الصلاة و يقولوا ده من قلبى
غبار الانحراف و انكار الاسرار
اصرخ يا قلبى و نادى على الارثوذكس الاحرار
اصرخ وشاور على الصليب
قولهم دا ربى الحبيب
شايل همى ماسح حزنى
بدمة فدانى وعلى كفة نقشنى
و عشان كده مش هيأس منهم
لوثر ضيعهم و انا هرجعهم و اجيبهم