اية حكايتك

ايه حكايتك يا عدو الخير؟

ماوراكش خلاص شغلانة غيري

ما بتزهقش من التفكير

في ازاي تخدر ضميري



وكل ما بينصرني عليك

ربي وبقوته يسندني

نار الغيظ بتقيد فيك

وتحاول تاني تغلبني



بس الهي الغالي حاميني

مش ممكن هيسيبني لايدك

ولا أنا هحول عنه عيني

علشان تشفي فيّ غليلك



فما تتعبش نفسك أكتر

أو بحاجات فانية تغريني

قلت لك: كان غيرك أشطر

عمرك ما هتقدر تسبيني

اه يمكن أقع وأتعثر

لكن فاديّ ها ينجيني

لما أرجع له ينسى ويغفر

وبحبه ليّ يخليني

قبل ما أخد خطوة أفكر

ايه يرضيه مش ايه يرضيني