ملف كامل عن الهجرة الى كل البلاد المتاح الهجرة اليها .
الموضوع ده هيكون موضوع شامل لكل خطوات الهجرة لكل البلاد المسموح لها بالهجرة
الولايات المتحدة الأمريكية ( أمريكا ) - أستراليا - نيوزلاندا - كندا
بصراحة الخطوات مش سهلة اوى
وكمان التكلفة ممكن تكون كبيرة على البعض
قبل ما نبدأ الخطوات الخطوات بالتفاصيل لكل بلد منهم
هنقول شوية اساسيات مشتركة بينهم
1- السن يكون من بين 21 الى 40 سنة
2- اللغة
يكون المستوى عالى فى الأنجليزى وحاصل على نتائج متقدمة فى التيوفل او الأيلتس Toefal - IELTS
والكورسات غالية شوية المستوى الواحد فى حدود 800 جنية وهما حوالى
متوسط 20 مستوى
3- الفيزا
طبعاً انتوا عارفين مصاريفها كتير اوى اوى
لكن محدش يقلق
عارفين ليه
علشان الموضوع مكتوب لتسهيل كل الحاجات ديه
والكل يسافر اكيد اكيد
نبدأ الشرح
الكل منتظر الخطوات طبعاً
الكل نفسه يهاجر ويسافر
ما تيجوا نفكر شوية فى حاجة صغيرة
اذا ظهرت امام شخص ما فرصة عمل باحدى الدول او الهجرة اليها
نجده يهتم بكل ما يتصل بهذة البلد التى سيسافى اليها
فيسأل عنها ليعرف ما هى ؟ وما فيها ؟ وعادات شعبها وتقاليده
يحاول الأتصال بمن يعرف عن هذا البلد اى شئ ويحاول ان
يتعلم لغتها ويشتاق الوقوف على كل التفاصيل الخاصة بها
واذا كلمه احد عن هذة البلد ينصت اليه بشغف الى المعرفة بأعصاب مشدودة وعينين شاخصتين واذنين مرهفتين وفكر خاص
ذلك
لأنه راغب ان يتلقى كل معرفة وكل علم عن هذا البلد التى سيرتبط مصيره بها
فترة من حياته ويسعى بكل جهده لأستخراج اذن الدخول لهذة البلد بأقصى سرعة
وبأى ثمن
فكم يليق بالأنسان ان يتحرق شوقاً ولهفاً نحو حياته الأبدية التى لا نهاية لها فيما وراء حدود حياته الدنيا
كم يليق به ان تأكله رغبة عارمة ليعرف أخبار هذا الوطن السماوى الذى سيسافر اليه بعد حين
أن المسيحى
الحقيقى يحمل داخله السماء ينطلق بكل كيانه وقدراته ومواهبه مع كل نسمة من نسمات حياته نحو السماء
ان غاية رحلة حياتنا على الأرض هى أن تلتهب قلوبنا بالشوق الى السماء فيما وراء الزمن فى أفاق الأبدية السعيدة لنكون مع الله
إن
كان الشباب اليوم يقبل على الهجرة لما يبهر عقله من خيرات أرضية وقتية
ويضحى بكل روابطه العاطفية والعملية ويمضى اياماً بغير حساب
ليستعد ليوم الهجرة بفرح
فكم يكون يوم الهجرة الى السماء لما فيها من الخيرات العتيدة والأفراح التى لا تنتهى والأمجاد التى لا تضمحل
انه يوم فرح حقيقى تستعد له كل نفس أحبت المسيح
واشتاقت ان تنطلق لتتقابل معه
وانت متجه الى بلد الأنوار فى رحلة العودة الى الله لا تنبهر بأنوار العالم بل ثبت نظرك دائماً على أنوار السماء
فالمجوس فى طريقهم الى الرب يسوع فى بيت لحم بهرتهم أنوار أورشليم فاتجه المجوس اليها ليبحثوا عن المولود الألهى
لا تنبهر بأنوار العالم ومباهج الدنيا الباطلة لئلا تحجب عنك نو المسيح
لا تبعد نظرك عن نجك المشرق بل ثبت نظرك دائماً الى السماء منطلقاً اليها لتلتقى مع الله
يقول الشيخ الروحانى
لا دخول الى ذلك البلد ... بلد الأنوار وعالم أبد الأبدين لمن لم يختبره منذ الأن
ويقول
ايضاً
طوبى
لمن اصطبغت نفسه بحلاوة الهه ... طوبى لمن انكشف له بلد رحيله والتهب
شوقاً اليه ... طوبى لمن يعرف بلد المعرفة ... طوبى لمن يحصل على اذن
للدخول من الأن الى ذلك البلد ويجعل من الذين هناك رفاقاً له
وأخيراً
من طلب غير الله لا يكون كله لله
يا ريت الكل يسامحنى على طريقة كتابة الموضوع
انا عملت كده لأن لو كنت كتبت الموضوع واختارت ليه مقدمة وعنوان روحى يمكن مكنش حد داخل شافه ولا اهتم بيه
ياريت كلنا نهتم بالهجرة للأبدية
الهجرة للأبدية مش مكلفة ابداً
يمكن الواحد منا يدفع 20 ولا 30 الف هنا علشان يسافر امريكا ولا اى
بلد
ويدفع تانى كتير علشان كورسات الأنجليزى ويتعلم
لكن الابدية علشان ببلاش ومن غير تمن محدش فينا بيفكر فيها
التسبحة والصلاة علشان مش مفيدة فى الأرض محدش بيهتم بيها زى الأنجليزى
يارب يسوع ثبت انظارنا عليك وعلى طريقنا لنصل الى بر الأمان والى ميناء السماء لنجدك فى استقابلنا
موضوع: ملف كامل عن الهجرة الى كل البلاد المتاح الهجرة اليها . 
الأربعاء أكتوبر 22, 2008 8:01 pm
