انا شفت معجزة بعينى امبارح صدقونى

امبارح انا كنت فى دير العدرا اللى عندنا فى اسيوط عادى جدا و اثناء زيارتى شفت حاجة لفتت نظرى اوى اوى

شفت عربية هامر نمرها مكتوب عليها (خصوصى جدة ) و دة اللى بيكتبوة عندهم على العربيات الملاكى فى السعودية فاهتميت ابص على السعوديين اللى جواها اللى موجودين فى قلب الدير دولا و كنت عاوز اعرف بيعملوا اية

لقيت سواق لابس قميص و بنطلون عادى و اتنين رجالة من ورا و معاهم واحدة ست منقبة بالكامل مش باين منها غير عنيها متكحلين بالطريقة السعودى دى و الراجل اللى معاها لابس جلابية فاخرة جدا و شماغ و التانى لابس قميق و بنطلون و عقال

و بعد ما نزلوا منظرهم لفت انتباه الخدام فننادموا على ابونا طوبيا و جالهم فقالوله بنفس الحرف :
بنبغى تقص علينا قصة هالمكان يا راهب .... لأن هادى اختى و السيدة العذراء مريم اكرمتها كرم العمر (( عملت معاها معجزة يعنى )) و خبرتها بتأكيد الباغى تذهب لمصر و تطل على هالمكان الموقر و تكرمها بمعرفة البركات هنيش ...

بصراحة انا اول ما شفت و سمعت الكلام ده بنفسى فرحت جدا انا ربنا بيظهر نفسه و بيسمح للعدرا انها تمد ايديها مع ناس ابعد ما يكون عن انهم يكونوا موجودين فى مكان زى كدة

و فعلا شفتهم فى المغارة مع ابونا طوبيا و عمالين يقولوله يا راهب يا راهب و هو كاهن عادى مش راهب ولا حاجة هههههههههه و معندكوش فكرة كانوا مهتمين ازاى اثناء ما ابونا كان بيحكيلهم عالمكان

حاجة فوق العجب و اللى مستغربله انا فى اللى حصل دة حاجتين الاول ان العدرا تظهر لناس من السعودية و متظهرليش انا اللى بتشفع بيعا ليل نهار؟؟؟
و تانى حاجة اية هى المعجزة اللى ممكن تكون العدرا عملتها مع الست دى؟؟؟

بركة وشفاعة العذراء تكون معانا

امين