هل تؤمن بالحب عن طريق النت ؟؟؟

اترددت كتير قبل ما اتكلم في الموضوع ده
بس قررت اني اكلمكم فيه لانه انتشر بين الشباب وخاصه الايام دي

الحب عن طريق النت والشات والماسنجر

في بعضنا هيستغرب شعور الحب اللي بيحصل بين شخصين من خلال الشاشه دي
ويقول ازاي احب شخص معرفهوش ولا حتي شوفته
وان اهله ومجتمعه وتربيته مايوافقوش بكده

ولكن في المقابل

هناك من يؤمن بهذا الحب نتيجه لتجربه ما .....
ويقول ان الحب بيجي زي ما يجي ومش مهم الطريقه
فعندما تحب بقلبك لاتفكر ولاتهتم بشكل والمظهر ولا بالجاه والمال...
لانه وقتها هيكون كل اللي يجمع شخصين مجرد مشاعر صادقه لايعرفوا
كيف بداءت واحيانا لا يعرفوا كيف ستنتهي...

انا عــــــــــــــــــــــارفه انكم هاتفكروا في الموضوع ده
وهاتقولوا ان ده شئ نادر بسبب قله الاشخاص الصادقين في تعاملتهم الحقيقيه علي ارض الواقع

ولكــــــــــــــــن
بالرغم من كل ده حصل العديد من القصص
منها ما هو صادق وناجح
ومنها ماهو خيـــــال مش اكتر

فما رائيكم؟؟؟؟؟

-هل تؤمن بالحب عن طريق الإنترنت ؟؟

-هل تعتبر ذلك خـــيــال أم واقـــع ؟؟

-هل مررت بهذه التجربة ؟؟ ... وكيف كانت ؟؟

وهل سمعت عن تجارب ناجحة؟؟

الحب عن طريق الانترنت مش بؤمن بيه

انا اعرف واحد قريبنا اتجوز من النت

لم امر

وانا بعتبره خيال

ميرسى لمرورك يا جرجس

لا اؤمن بالحب من خلال غرف الدردشة عشان دي بتلم ناس كتيرة واغلبهم ناس مش كويسة بس هناك منتديات ودردشات مسيحية خاصة بالمسيحيين بس وفيه واحد صاحبي حب واحدة من الغرف دي هو مسافر في الخارج اتعرف عليها وخطبها واخيرا اتزوجها بس انا رافض الطريقة دي
وعموما فيه فيديو كليب لياسمين ( قليل الحيلة ) بيوضح المسالة دي.

طبعا اولا ميرسى على الموضوع الحلو دة
فما رائيكم؟؟؟؟؟

-هل تؤمن بالحب عن طريق الإنترنت ؟؟

لأ بصراحة هو مش حقيقى لأنك اصلا مشفتش اللى بيكلمك دة و متعاملتش معاه

-هل تعتبر ذلك خـــيــال أم واقـــع ؟؟

هو بالنسبة ليا خيال بس بيحصل

-هل مررت بهذه التجربة ؟؟ ... وكيف كانت ؟؟

لأ ممريتش بحاجة زى كدة لان اصلا اى حد يبدأ فى موضوع زى كدة تعرف انه عايز يتسلى مش نفسه يتكلم بجد

وهل سمعت عن تجارب ناجحة؟؟

اه سمعت كتييييييييييير و بصراحة هى بتبقى فرص لواحد انه يسافر برة و يشتغل
مش اكتر من تجارة يعنى

شكرااااااااااا يا عمدة لمرورك
ورايك الجميل

ميرسى لمرورك يا ماركو

للأسف الشديد دكتورة ماريا موضوعك جميييييييل .
انا فعلا أؤمن بالحب عن طريق النت وهاقول جملة مشهورة ( لكل قاعدة شواذ ) يعنى فيه حب ع النت وفيه تسلية ع النت وفيه تعارف وفيه صداقة وزمالة واخوة فيه حاجات كتيرة اوى ع النت .
وبالنسبة لى هو واقع وواقع جامد جدا يعنى معترف بيه لان النت دلوقتى بقى شبه روح الحياة عند الشباب لدرجة انه لو مقعدش اسبوع ع النت وشاف اخر الاخبار وفتح ايميله ممكن يتعب وبرضة نقول للناس اللى هيقولوا لا ان لكل قاعدة شواذ .
وانا فعلا مريت بالتجربة دى وغيرها كتييييييييير .
يعنى حبيت من النت واتصادقت من النت وبقى ليا اخوات من النت وعلى فكرة كلها كانت تجارب ناجحة جداااااااااااااااااااااااااااااااااااااااا .

ميرسى يا مينا
وفعلن النت لية ايجابيتا وسلبية
يعنى انا دلوقتى عندى جروب اصحاب كبير

فى منتدى ربنا موجود

موضوع جميل جدا يا ماريا وجديد فى نفس الوقت

-هل تؤمن بالحب عن طريق الإنترنت ؟؟

اؤمن بيه لانه ممكن يحصل لانك انت مش بتختار شكل تحبه لكن انسان تحبه واللي ممكن تقولة وهو قدامك ممكن تقولة على النت برضه

-هل تعتبر ذلك خـــيــال أم واقـــع ؟؟

واقع

-هل مررت بهذه التجربة ؟؟ ... وكيف كانت ؟؟

لا
وكيف كانت مش عارف بس ممكن تكون حلو لانها حب

وهل سمعت عن تجارب ناجحة؟؟

سمعة بس مش متاكد لان الحب لازم يتنهي بالجواز ده هدفه الاساسي

وشكر مرة تاني على الموضوع

الحب عن طريق الانترنت حاجة موجودة و كتيرة جدا و منتشرة بس حوالى 1 فى المية بس منها هو اللى بينجح و الباقى كله كلام فاضى

و انا ابن خالى باهر اتجوز بنت من كندا بعد ما فضل يراسلها حوالى سنة و نص و انا كنت بشوفه بنفسى و هو منجذب اد اية و جايب بدله مخصوص و مظبط نفسه قدام الكاميرا و راح اتعلملها فرنساوى

و انا شخصيا لم امر بحاجة زى كدة و لن امر

ليا راي اخر والحقيقة ده راي الانبا بولا اسقف طنطا جه الكويت وعمل محاضرة عن الحب في النت وقال :
ان البنت اللي تقعد تدور علي شباب عشان تكلمهم في النت ممكن تكون بنت مش كويسة فاذاي الواحد يربط حياته بواحدة بتدور علي شباب تكلمه في النت
ظروف الشباب المسافر في الخارج صعبة حيث انه لا يوجد له وقت عشان يحب لما ينزل بلده اجازة واذا خطب واحدة مافيش وقت عشان يدرسوا طبع واخلاق بعض
فالنصيحة الي كل شاب وفتاة
لازم الواحد يشوف اللي بيحبها في الاول وبعدين يكلمها علي النت
وماينفعش الواحد يحب واحدة من النت قبل ما يشوفها دي طريقة خطا وفشلت
الخلاصة ان الحب في النت ياتي بعد الحب في الواقع بعد ما تشوفوا بعض مش قبل ما تشوفوا بعض في الواقع تحبوا بعض

شكرااااااااااااا لمروركم

موضوع جميل بجد ياماريا
صلى من اجل فادى ومايكل

اولا اختي الغالية ماريا مرحبا بعودتك الينا مرة اخري و يارب تكوني حليت كويس في الامتحانات و يارب تنجحي بتقدير امتياز و احنا فعلا افتقدنا وجودك معانا و ربنا يبارك حياتك

ثانيا اشكرك علي هذا الموضوع الجديد و الموضوعات المبتكرة هذة و نتمني المزيد

ثالثا بالنسبة لموضوع الحب عن طريق النت انا لا اومن بية لانه عبارة عن انجذاب الي الجنس الاخر ليس اكثر من هذا و غالبا تكون مبنية علي حب الذات اكثر من حب الاخر و اعتقد مثل هذا الاسلوب ايضا ليس اسلوب جيد للارتباط لاني كشاب ممكن بعد ارتباطي بانسانة تعرفت عليها عن طريق النت اني ممكن اشك في سلوكها و اتسال هل عرفت شباب قبلي ام لا و هل بعد ارتباطي بها هل ستخلص لي و يكون الشك متبادل في هذة الحالات و بسبب هذا اعتقد انة اسلوب غير مجدي للارتباط و الزواج لكنة اسلوب شائع بين الشباب و الشابات فقط من اجل التسلية