دقيقه من فضلك

ازيكو يا احلى شباب ممكن اتكلم معاكم فى موضوع

انا عايزه اتكلم عن الرضى عن النفس والرضى عن الحياه

عمرك فكرت فى يوم وقولت

ياااااااااااااه لو كنت زى (فلان) دا انا كنت عملت وعملت

انا ليه معنديش فلوس زى (فلان)

انا ليه مش ذكى اكتر زى..........

انا ليه شكلى مش جميل زى........

انا ليه وانا ليه وانا ليه.........الخ

طيب لو فكرت فى كل الحجات دى وبيجى فى بالك حجات زى دى كتير ان انت عايز اكتر

سواء اشياء ماديه او معنويه

طيب حاول تفكر معايا كدة لمدة دقيقه وبص حوليك كويس وانت ماشى فى الشارع

شوفت ايه؟؟؟؟

اقولك ممكن تشوف ايه.....

+ممكن تشوف انسان مشلول مش بيتحرك فى حين ان انت عندك رجلين وايدين ممكن تستخدمهم كويس

تقدر تعتمد على نفسك مش مستنى حد يقومك ويقعدك

+ممكن تشوف راجل عجوز قاعد فى الشارع بهدوم مقطعه بيطلب منك اى فلوس علشان يقدر ياكل او

يأكل اولاده..فى حين انك ممكن يكون فى جيبك فلوس انت لسه عامل خناقه فى البيت علشان مصروفك

مش مقضيك تخرج وتروش مع اصحابك ومصروفك البسيط ده ممكن يبقى حل ازمه لحد محتاج

+ممكن تشوف واحد ربنا حرمه نعمه البصر انت بنفسك شديتو بأيدك قبل ما عربيه كانت هتخبطه

+ممكن تشوف طفل نايم فى الشارع فى عز البرد كل حلمه اربع حيطان يتدارى فيها من البرد

وانت ماما ملبساك البلوفر والكوفيه الصوف ومدفياك ونازل من بيتك اللى بتجرى تروحه لما الدنيا تمطر

بغزاره

خد بالك انك كل ده مش واخد بالك انك عندك نعم كتييييييييييير لو كانت بسيطه اوى بالنسبالك

دى ممكن تبقى حلم بنى ادم

اقعد مع نفسك راجع حساباتك اتأمل الناس اللى حواليك كفايه تدوير على نفسك وعلى راحتك انت وبس

اشكر ربنا فى كل دقيقه فى حياتك انك لسه عايشها بكامل حواسك وسط اسرتك واهلك مش مشرد

فى الشوارع مش لاقى قوت يومك

او حتى لو بعد الشر عندك مشكله سواء جسديه او مجرد مشكله فى حياتك تأكد انك احسن حال

من ناس كتير غيرك

اشكرك يارب على كل نعمك وعطاياك ومعجزاتك اللى بتعملها معايا فى كل يوم من حياتى

وسامحنى على جهلى

معلش انا طولت عليكو اوى سامحونى

ميرسى خالص يا ماريا بجد
موضوعك يستاهل يتقرى
عندك حق فى كل كلمة

ميرسى لمرورك

فعلا لازم الواحد يشكر ربنا علي النعم الكتيرة اللي موجوده عنده ومايزعلش علي الحاجات المحروم منها ولازم الواحد يثق ان الله عادل في كل شي

ميرسى لمرورك يا عماد ربنا يباركك

ميرسى جدا با ماريا على الموضوع الجميل
فعلا كنا لازم نتكلم فية موضوع يستاهل
ان الواحد يقراة لازم فعلا نتعلم نشكر ربنا
على نعمة اعطاها لينا واحنا محسناش
بيها ربنا يعوضك على الموضوع الروعة

ميرسى يا جميل
يارب يديم علينا نعمة المحبة

موضوع جميل جدا يا ماريا

فعلا الواحد المفروض يبص للي فى ايده ويفضل يشكر ربنا على النعمة اللي مش عند غيره

دقيقه من فضلك Thankyourk1

ميرسى يا بيتر لمرورك