ماريا
عضو ماسى ( مفيش بعده )
 عدد الرسائل : 1257
العمر : 39
العمل/الترفيه : كلية الطب
تاريخ التسجيل : 08/04/2008
 |  موضوع: 000واه من بنت الجيران  الثلاثاء مايو 13, 2008 2:27 am | |
| الحكاية بتبدأ من حوالى سنتين....
العفش بينزل من على عربية النقل...
و أنا واقف فى البلكونة.. وبسأل مامتى (إللى كانت واقفة تنشر الغسيل): هو فى حد هيسكن هنا ولا إيـه يامـاما ؟
قالتلى اه يا حبيبى دى الشقة إللى قصادنا
قلتلها ويا ترى عرسان جداد ولا عيلة وبتعزل ؟
قالتلى والله يابنى مانا عارفة
قلتلها طيب.. يا خبر انهاردة بفلوس.. بكرة يبقى بفلوس اكتر..
و بعد أسبوع......
أمى واقفة بتنشر الغسيل بردو.. وأنا واقف جنبها بردو.. وبتقولى: مش السكان الجداد وصلوا خلاص
قلتلها يا شيـــــخة!
قالتلى: اه.. مرات الراجل عدت عليا انهاردة وسلمت عليا وعرفتنى بيهم
قلتلها: إيــه بقى عرسان جداد ؟؟
قالتلى لا دول أسرة.. عندهم ولدين وبنت
قلتلها خير.. خير.. (والشر بيبظ من عينيا)
و أثناء الحديث الشيق ده..
طلعت مامت الولاد م البلكونة.. ولما شافت أمى هزت راسها - بتسلم على أمى يعنى -.. وطبعا أمى ردتلها الهزة - بترد السلام يعنى -
و بعدين طلع ولد صغير إبتسم لنا أول ما شافنا....
أصل البلكونة فى وش البلكونة , بس هم مركبين ستارة وإحنا مش مركبين ستارة... بس باين عليهم ناس طيبين اوى...
المهم.. الأم ندهت لبنتها...
الحقيقة أنا كنت أول مرة فى حياتى أسمع الاسم إللى هى ندهت بيه..
أول مرة أعرف إن فى بنت اسمها كده أصلا...
الأم بتنده: يــــــا روفيدة (على وزن بثينة , بضم الراء يعنى)
إسم جامد مووووووت... عجبنى الاسم اوى... وبدعى ربنا تكون رُفيدة حلوة زى إسمها..
و طلعت روفيدة من ورا الستارة فـى حركة Slow Motion من بتاعة الافلام..
و أنا متنح تتنيحة سودة... روفيدة طلعت أحلى من إسمها.. جميلة جمال لا يوصف... ناصعة البياض..
مش قادر أرفع عينى من عليها.. مينفعش أرفع عينى من عليها أصلا...
فضلت متنح لحد ما شافتنا أنا وأمى..
لما شافت أمى إبتسمت لها..
و لما شافتنى زى ما تكون شافت عفريت ودخلت على جوه جرى...
و تمر الأيام..
و مشكلتى ان البلكونة بتاعتنا تدخلها من اوضتى.. عشان كده فى الرايحة والجاية ابص اشوف روفيدة واقفة ولا لأ..
ساعة ما الاقيها واقفة.. اطلع البلكونة..
مرة اعمل نفسى بتكلم فى التليفون.. او بشم الهوا مثلا - مع إن الدنيا تراب وعفرة -
او بلعب عشر ضغط.. أى تلكيكة والسلام
الغريب إنها كانت فى الأول لما تشوفنى تروح داخلة جرى على جوه..
لكن بعد فترة لاحظت إنها مكانتش بتدخل أول ما تشوفنى.. وكانت بتفضل واقفة هى كمان...
بقيت فى عز الشمس أقف.. لحد ما أعرق واجيب جاز.... فى عز البرد واقف بتكتك م البرد
واقف بالساعات مدام روفيدة واقفة... أرمى نظرة.. إبتسامة.. أشاور
و كانت هى بتكتفى بالإبتسام وعلامات الخجل...
و ف يوم من ذوات الأيام..
بشاورلها.. شاورتلى
بقيت هطير م الفرحة.. روفيده شاورتلى يا جدعان...
قعدت أتنطط ع السقف وأغنى وحياة قلبى وأفراحه..
و هبا إيـه هبا أه.. إن شاء الله هنظبط
إمتى بقى اتكلم معاها ونهزر سوا...
لحد ما جه اليوم...
أنا راجع م مشوار.. وعلى أول الشارع شفت أمى واقفة مع مامت روفيدة..
و المفاجاة: روفيدة واقفة معاهم
لقيت نفسى بجرى زى شخصيات الكرتون .. نصى التحتانى بيجرى قبل نصى الفوقانى تشووووووووو...
لحد ما بقيت عندهم.. عرقان طبعا وبنهج وحالتى حالة...
نزلت عليهم زى الباراشوط..
إزيك ياماما.. إزيك يا طنط عاملين إيه...
و بصيت لرٌفيدة.. كانت بصالى وبتضحك..
كانت زى القمر اليوم ده.. ولابسة تى شيرت حمالات - أصل الجو كان حر اوى اليوم ده -
قلتلها: إزيك يا روفيدة ؟!
و كان رد فعلها غير متوقع بالمررررة... كان صدمة حقيقية بالنسبة لى..
لقيتها بتمد ايديها وبتسلم عليا...
و بتقولى: الحمد لله.. إزيك إنت ؟؟!
رحت مسلم عليها....
و قلتلها: الله يسلم قلبك يا روح قلبى..
و رحت بايس إيديها....
و رحت شايلها...........
و قلتلها: إنتى عندك كام سنة بقى ؟؟
قالتلى عندى 3 سنين
رحت بايسها تانى وأنا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت
و من يومها وأنا وروفيدة اصحاب... كل ما تطلع البلكونة نلعب ونهزر مع بعض
ايه منتظرين ايه طلعت عندها 3 سنين اومال انتوا كونتوا فكرين ايه
هههههههههه
تعيشو وتاخدو غيرها | |
|
Admin
Admin
 عدد الرسائل : 1539
العمر : 36
الموقع : اسيوط
العمل/الترفيه : طالب بكلية التربيه
تاريخ التسجيل : 16/12/2007
| | موضوع: رد: 000واه من بنت الجيران الثلاثاء مايو 13, 2008 9:16 pm | |
| ههههههههههههههههههههههههههههههه
شربنا المقلب | |
|
ماريا
عضو ماسى ( مفيش بعده )
عدد الرسائل : 1257
العمر : 39
العمل/الترفيه : كلية الطب
تاريخ التسجيل : 08/04/2008
| | موضوع: رد: 000واه من بنت الجيران الأربعاء مايو 14, 2008 2:36 pm | |
| | |
|
Emad Caesar
عضو فضى
عدد الرسائل : 103
العمر : 40
العمل/الترفيه : محاسب
تاريخ التسجيل : 27/12/2007
| | موضوع: رد: 000واه من بنت الجيران الخميس مايو 15, 2008 12:41 pm | |
| دانا سبت شغلي وسبت الميزانية واندمجت في القصة واتخيلت الموقف وفي الاخر يطلع عندها 3 سنينن بس بصراحة قصة جامده جدا | |
|
ماريا
عضو ماسى ( مفيش بعده )
عدد الرسائل : 1257
العمر : 39
العمل/الترفيه : كلية الطب
تاريخ التسجيل : 08/04/2008
| | موضوع: رد: 000واه من بنت الجيران الخميس مايو 15, 2008 1:43 pm | |
| ميرسى لمرورك بس اوعى تسيب الشغل
لحسن المدير يظبطك | |
|
