Admin
Admin
 عدد الرسائل : 1539
العمر : 36
الموقع : اسيوط
العمل/الترفيه : طالب بكلية التربيه
تاريخ التسجيل : 16/12/2007
 |  موضوع: تخيلوا بنت بريئة طفلة تهز مشاعر كنيسة كاملة يوم الجمعة العظي  الأحد مايو 04, 2008 10:12 pm | |
|
تخيلوا بنت بريئة طفلة تهز مشاعر كنيسة كاملة يوم الجمعة العظيمة
براءة حقيقية ونقاوة من القلب
اسمها سيمون
سيمون عندها10 سنوات
الميس: شوفوا يا اولاد احنا لازم واحنا صغيرين نقدم نفسنا لربنا يعنى كلنا على بعضنا ملك لبابا يسوع
مش احنا بنقول انا يا رب ملك ايدك
مين يقولى زى مين؟؟؟
ابرام: ايوة يا ميس زى القديس ابانوب
الميس : برافو يا ابرام
الميس عماله تكلم اولادها فى الفصل على اننا نعطى نفسنا وكل ما نملك لربنا
وتقول وتزيد
لكن فى بنت اسمها سيمون مركزة جدا مع الميس بتاعتها
سيمون: يا ميس طيب واللى مش معاه شئ يعمل ايه؟؟؟؟؟
بابا ميت
وماما كل يوم بتعطيلى 50 قرش
ادفعها لربنا؟؟؟؟
الميس احتارت وقالت: لا يا سيمون مش كل يوم يوم مدارس الاحد بس
يعنى يوم الجمعة
نقاوة القلب اللى فى اولادنا عجيبة
الميس قالت لسيمون تدفع مصرفها يوم الجمعة بس
يوم الجمعة العظيمة
ماما ماكنش معاها فلوس
سيمون: ماما انا عاوز 50 قرش بتاعت بابا يسوع بتاعت يوم الجمعة
ماما: معليش يا سيمون الجمعة ديه مش معايا ممكن الجمعة اللى جايه ندفع الاثنين
سيمون: بابا يسوع يزعل يا ماما
ماما : لا يا حبيبتى مش بيزعل من اللى ماعهوش
سيمون راحت الكنيسة
ويوم الجمعة العظيمة
وسيمون كانت مع الميس بتاعتها
وكان فى واحد شماس بيلف بطبق البخور على الشعب كعادة يوم الجمعة العظيمة
سيمون اخذت بخور من الطبق زى كل الناس
وبعد شويه جيه شماس تانى بطبق بيلم تبرعات
سيمون مش معاها وحسه انها مقصرة
المهم
الميس دفعت
وسيمو مش معاها
الشماس عدى سيمون الطفلة
لكن سيمون
قال للشماس تعالى
الشماس افتكر ان سيمون هتدفع فلوس
رجع ووقف قدام سيمون
سيمون عملت شئ عجب
عجب من عجب
سيمون مسكت طبق الفلوس والشماس مسكه
وفضلت تنزل الطبق لتحت لتحت
والشماس مستغرب
لحد ما وصل الى الارض
الشماس ليسه هيزعق ليسمون
بس اتسمر مكانه
من اللى عملته سيمون
والطبق على الارض
وقف سيمون فوق الطبق
وقفت على طبق الفلوس!!!!!!!!!!!؟
وقالت: يا رب انا مش معايا فلوس اقبلنى يا ربى بدل الفلوس زى ما الميس قالتلى
اتسمر الشماس من الموقف وكل اللى حواليها كمان اتسمروا حتى الميس ما كنتش مصدقه
براءة سيمون كانت درس لكل الناس فى الكنيسة
يريت احنا كمان نتعلم من البنت الصغبرة وتحرك فينا مشاعرنا اتجاة الرب يسوع
| |
|
stmarygirl
عضو ماسى ( مفيش بعده )
 عدد الرسائل : 516
العمر : 36
العمل/الترفيه : طالبة بكلية العلوم
تاريخ التسجيل : 28/03/2008
| | موضوع: رد: تخيلوا بنت بريئة طفلة تهز مشاعر كنيسة كاملة يوم الجمعة العظي الإثنين مايو 05, 2008 1:15 pm | |
| قصة جميلة جدااا ربنا يعوض تعب محبتك
ويارب نبقى زى سيمون
ونقدم نفسنا للمسيح | |
|
michealgirl
عضو مالوش حل (ذهبى)
عدد الرسائل : 334
العمر : 34
العمل/الترفيه : طالبة بكلية العلوم
تاريخ التسجيل : 27/03/2008
| | موضوع: رد: تخيلوا بنت بريئة طفلة تهز مشاعر كنيسة كاملة يوم الجمعة العظي الإثنين مايو 05, 2008 1:20 pm | |
| [size=29]ربنا يعوض تعب محبتك ومشاركتك
قصة جميلة جدااااااا
يارب نبقى جزء صغير من محبة سيمون ليسوع المسيح[/size] | |
|
