العلاقة بين الواحد و خطيبته علاقة مش مستقرة ساعات تكون زي السمن ع العسل وساعات زي علاقة توم وجيري ..
وجرت العادة ان يكون هناك اختلاف وتأويل متباين لكل كلمة بيقولها الشاب لخطيبته اثناء الخناق مثلا فما يترجمه هو علي انه كلام عادي قد تأخذه هي علي انه كلام مش لطيف ويسم البدن.
قولت أحصر الكلام اللي ممكن يبقي له أكثر من معني في الأوقات الصعبة طلعوا خمس عباراتلو تحبوا تعرفوهم يبقي بالهنا والشفا
أول عبارة
هي "إنت مجنونة" .. حاول الا تقول لحبيبتك هذه الكلمة حتي لو كنت شايف ان اللي هى عملته هو الجنان بعينه لان ترجمة الكلمة دي عند كتير من البنات هي "انت مريضة نفسياً" يعني ممكن تقول لها "اللي عملتيه ده جنان" المهم قول اي حاجة تانية واخلص بنفسك من النفسنة دى !!
العبارة الثانية
هي "انا بحبك" .. بجد ممنوع تقول الكلمة دي وقت عتابها ليك علي حاجة انت عملتها لانك ببساطة هضمت حقها في عتابك والوصول معاك لاعتذار أو حل في اللي حصل بسبب سحر الكلمة التي انتي قلتها. العبارة الثالثة
هي: "اعملي اللي انتي عايزاه" فاحذر ان تنطق بها اثناء النقاش حول اي قرار زي ناكل فين أو هانروح فين في الاجازة أو مدرسة الأطفال تحبيها فين.. لو قلت الكلمة دي يبقي انت سيادتك يعني بتهد كل معاني الحوار والتفاهم. العبارة الرابعة
هي "كنت عارفه اني كده قبل ما توافقي على" تأتي هذه العبارة غالبا قاسية جداً علي الخطيبة او الحبيبة التي تحب خطيبها وهي تعني ببساطة انه يرفض ان يغير شيئا ما بداخله.. ممكن جداً تعالج المسألة ببساطة وتقول "انت عارفه اني مضايق من ده ونفسي اتخلص منه". العبارة الخامسة والأخيرة
"ولا حاجة" وهي تقال احياناً حين يشعر الرجل ان اي شيء سيقوله سيتم ترجمته بشكل خاطيء او انه ليس لديه قدرة علي الحديث.. من الأفضل ان تقول وقتها: "مش عايز اتكلم دلوقتي بعدين ها حكيلك"
موضوع: 5 حاجات اياك-اوعى-حذارى تقولهم لخطيبتك 
الثلاثاء أبريل 29, 2008 5:43 am