ربنا موجود


 
الرئيسيةالبوابةالتسجيلدخول

شاطر | 
 

 الطائفة الكاثوليكية على حق

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
انطونيوس
عضو نشيط
عضو نشيط


ذكر عدد الرسائل : 73
العمر : 30
العمل/الترفيه : طالب
تاريخ التسجيل : 17/05/2008

مُساهمةموضوع: الطائفة الكاثوليكية على حق   الجمعة نوفمبر 28, 2008 1:22 am

مع تنامى ظاهرة الحراك السياسى الذى تشهده مصر حاليا بدأ ت بعض الطوائف المسيحية فى مصر من غير الارثوذكسية «الكاثوليك، البروتستانت» والتى تعتبر من الاقليات المسيحية 1% فى التعبير عن نفسها ضد الاغلبية الارثوذكسية 99% وهو ماحدث مؤخرا من ظهور دعوة انجيلية لانشاء جماعة للاخوان المسيحيين وماقبلها من حرب التصريحات الاعلامية بين الارثوذكس والكاثوليك حول ايهما تكون الكنيسة صاحبة الطريق الحق وكذلك النعرات العصبية حول مكانة كل من بطرس الرسول ومار مرقص الرسول.



ولان غالبية المصريين يعرفون ان البابا شنوده هو بطريرك لكل مسيحيى مصر ولايعرفون ان هناك طوائف مسيحية اخرى تخضع لبطاركة اخرين , ذهبت " الميدان " الى كنيسة الكاثوليك الارمن لتسأل الاب رفيق جريش المتحدث الرسمى للكنيسة الكاثوليكية فى مصر عن الكاثوليك والخلافات العقائدية بينهم وبين كنيسة البابا شنوده ولماذا يشجعون الناس على زيارة القدس فى حين ان البابا شنوده يرفضها ويكاد يحرمها وماهو مفهومهم لعصمة بابا روما .



فى البداية أكد الاب رفيق أن عدد الكاثوليك فى مصر حوالى 350 الفا تضمهم سبع طوائف هى الاقباط الكاثوليك ــ السريان ــ الكلدان ــ الموارنه ــ الروم ــ الارمن ــ اللاتين، وأضاف انه لاتوجد فوارق عقائدية بينهم وانما هناك فوارق طقسية كطريقة الصلاة , التراتيل , عدد مرات البخور , عدد ساعات الصوم وهذه الاختلافات نشأت طبقا لاصل كل طائفة فالاقباط اصلهم مصرى والسريان «سوريا» والكلدان «العراق» والارمن «ارمينيا» وهكذا .



> فى ظل دعاوى الاضطهاد التى نسمعها بين فترة واخرى لم نسمع ان من بينها دعوى كاثوليكية ؟



>> نحن ككنيسة نعانى من نفس المشاكل التى تعانى منها كل كنائس مصر ولكن لان عددنا اصغر فمشاكلنا اقل وبطبيعتنا السلمية نلجأ للحوار بالطرق الشرعية مع الاجهزة المعنية وبهذا الطريق ناخذ حقوقنا كذلك ولاننا لانشعر بعقدة الاضطهاد نتعامل مع مثل هذه المشاكل بشكل اكثر عقلانية ودون انفعالات عصبية تعقد الامور .



> اموال الكنيسة الكاثوليكية.. من أين والى أين ؟



>> اى كنيسة كاثوليكية تعتمد فى مصدر دخلها على شعبها سواء عن طريق العشور 10% او التبرعات وهذه الاموال هى حق وواجب دينى على كل قادر اما بخصوص الاموال التى تأتى من الخارج فهى مخصصة لمشاريع معينة كبناء المدارس والمستشفيات وكافة الخدمات الخيرية وهذه الخدمات تقدم لكافة المحتاجين بغض النظر عن الديانة فمثلا لدينا 170 مدرسة معظم الطلبة فيها من المسلمين .



> هل تقبلون بزواج بناتكم من الشباب الارثوذكسى ؟



>> نعم نقبل هذا الزواج لاننا كنيسة منفتحة فى حين ان الارثوذكس يرفضون زواج الاخرين ويشترطون اعادة تعميدهم ارثوذكسيا مرة اخرى فمن وجهة نظرهم ان عمادهم هو الاصح بالرغم من ان الكاثوليك يؤمنون بكافة العقائد الارثوذكسية وللعلم مثل هذه الامور تسبب لكنيستنا الكثير من الالام .



> انتم تقولون بقبول زواج الاخرين فهل تقبلون بزواج المسلم من الكاثوليكية ؟



>> بالفعل فى اوربا وخارج منطقة الشرق الاوسط يسمح الكاثوليك بزواج المسلم او غيره وهم مايطلق عليه الزواج المختلط استنادا لقول بولس الرسول بان المؤمن او المؤمنة يقدس غير المؤمن او المؤمنة ولكن مثل هذا الزواج يشترط فيه ان تظل الزوجة على كاثولكيتها وكذلك الاولاد.



> الكاهن الذى يعين على خدمة ما - هل يبقى فيها الى الوفاة ؟



>> الكنيسة الكاثوليكية دون غيرها من الكنائس الاخرى وضعت سن معاش لخروج الكاهن من الخدمة وهو 75 عاما وهذا الخروج هو خروج ادارى وليس خروجاً من الكهنوت وذلك لتخفبف الحمل الادارى الملقى على ظهر الكاهن فى مثل هذا السن واذا ما رأت جهة الادارة ان صحة الكاهن تسمح له بالتجديد يتم التجديد عام بعد آخر وكذلك للاب البطريرك ان يقدم استقالته متى رأى ان ظروفه الصحية لاتسمح له بالقيام بمهامه الرعوية على الوجه الصحيح .



> لماذا تشجعون زيارة القدس فى حين ان البابا شنوده يكاد يحرمها ؟



>> نحن نشجع الزيارة الى القدس لا الى دولة اسرائيل وذلك من منظور روحى بحت للتبرك بالاماكن المقدسة هناك اما رفض البابا لمثل هذه الزيارات فلكل واحد وجهة نظره .



> هل تجمد الحوار المسيحى ــ المسيحى ؟



>> لانستطيع ان نقول ان الحوار بين الطوائف المسيحية قد تجمد وانما اصبح يسير بخطى ابطأ بسبب بعض التصريحات العصبية التى تخرج من هنا او من هناك والتى غالبا ماتنتهى بأزمة وفى كل الاحوال تفضل الكنيسة الكاثوليكية فى مثل هذه الازمات الصمت حتى لاتوسع الفجوة وفى نفس الوقت تصلى من اجل الوحدة .



> ماسر عدم ظهور العذراء على قباب كنائسكم فى مصر ؟



>> ظهور العذراء ليس فقط ظهوراً مادىاً بالانوار فوق الكنائس فعندنا ظهورات عديدة للعذراء فى كثير من البيوت سواء فى صورة تقطر زيت او بخور او فى بعض الايقونات فالعذراء هى التى تختار طريقة ظهورها وعندما قررت الظهور على كنيسة الزيتون عام 1968 كان بسبب النكسة لتقوى من عزم الشعب المصرى .



> ببساطة ماهى عقيدة المطهر التى يرفضها الارثوذكس ؟



>> المطهر الذى يؤمن به الكاثوليك هو الحالة التى يعيش فيها الانسان بعد الوفاة لكى يتطهر من ذنوبه ويستعد لرؤية الله فاذا قسمنا البشر الى ثلاثة اقسام فسنجد ان القليلين منهم هم الذين يموتون عن ذاتهم وكبرياءهم كالقديسين والشهداء وهؤلاء يرون الله دون المرور على المطهر اما الاشرار الذين يرفضون الله فمصيرهم معروف والقسم الثالث من الناس هم الذين يحبون الله ولديهم اخطاء بشرية فهم ليسوا اشراراً وفى نفس الوقت ليسوا قديسين ولكى يتمتعوا برؤية الله عليهم ان يتطهروا من مثل هذه الذنوب .



> من يملك خلاص السيد المسيح ؟



>> لاتوجد كنيسة على وجه الارض تستطيع ان تحتكر خلاص المسيح دون غيرها من الكنائس لان هذا الخلاص للمسيحى وغير المسيحى طالما ان اعمال الفرد ترضى الرب بغض النظر عن ديانته.



> لماذا تؤمنون وحدكم دون بقية الطوائف بعصمة البابا ؟



>> هناك خلط فى مفهوم هذه العصمة فالعصمة هنا ليست شخصية لان البابا بشر يحب ويكره و يصيب ويخطئ اما العصمة المقصودة هى العصمة التى يعلن بها عن عقيدة او تعليم معين وهنا يجب على الشعب الطاعة والامتثال لهذا التعليم فلا مجال للجدل او المناقشة وحتى لا يحدث لبس للفهم فى هذا الامر فنوضح انه قبل اعلان البابا عن اى امر عقائدى يرجع الى الكتاب المقدس واقوال الاباء الاوائل ثم يتم عرض الامر علي كبار الكهنة والمتخصصين وعلى لجان مختلفة لابداء الراى حتى يتم الاستقرار عليه قبل طرحه على الشعب .



> هل تسمحون للكهنة بالعمل الحزبى ؟



>> ترفض الكنيسة الكاثوليكية انشغال كهنتها باى اعمال سياسية أو حتى تجارية ومن يريد ذلك عليه ان يخرج من الكهنوت ويختار اى طرق شاء



> متى تسمحون بالزواج الثانى ؟



>> ليس عندنا طلاق فى الكنيسة الكاثوليكية وانما هناك بطلان زواج بمعنى ان هناك حالة زواج تم فيها الاكراه او الضغط او كانت هناك حالة من الغش فى هذه الحالة نعتبر ان عقد الزواج فى الاساس باطل وتحكم الكنيسة ببطلان هذا العقد وتزوج من وقع عليه الظلم من جديد وكذلك نعطى تصريح زواج للارمل او الارملة ماعدا ارملة الكاهن او الكاهن الارمل الا اذا ارتأت الكنيسة انهما مازالا فى مقتبل العمر ويخشى عليهما الفتنة فتصرح لهما المحكمة الكنسية بزواج ثان اما اذا وصلت المشاكل بين الزوجين الى طريق مسدود يتم التفريق بينهما جسديا لاعطاء فرصة لكل واحد منهما لكى يفكر بهدوء فى حل مشاكلهم .



> لم نسمع ولا مرة ان الكنيسة الكاثوليكية قد شلحت قسا واحدا ؟



>> بالفعل لم اسمع فى حياتى وعمرى الآن قدتجاوز الخمسين عاما ان كنيستنا الكاثوليكية قد شلحت احد كهنتها وربما يرجع ذلك الى علاقة المحبة التى تربط الكاهن برؤسائه فالرئاسة الدينية تصدر الاوامر من منظور المحبة وبنفس المنظور يتلقاها الكاهن كما ان الكاهن فى الكنيسة الكاثوليكية لايصل الى مرتبة الكهنوت الا بعد تدريب يصل الى عشر سنوات ولاننا بشر فهناك من الكهنة من يتعد بعض اختصاصاته او من لايكون هناك تجاوب بينه وبين شعب كنيسته فتلجأ الرئاسة الدينية هنا اما إلي الانذار او النقل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Shakespeare
عضو ماسى ( مفيش بعده )
عضو ماسى ( مفيش بعده )
avatar

ذكر عدد الرسائل : 1265
العمر : 29
العمل/الترفيه : English Young Man
تاريخ التسجيل : 06/03/2008

مُساهمةموضوع: رد: الطائفة الكاثوليكية على حق   الجمعة نوفمبر 28, 2008 12:38 pm

اسمحلى يا انطونيوس اقولك فى البداية خااااااالص ان كلامك ده هدفه واضح و الهدف هنا هو التجريح الصارخ الصريح فى ناس انت متعرفهاش كويس و قامات روحية عالية مينفعش نتكلم عنها بالصورة دى لانهم مش قاعدين معانا عالمسطبة (دى ناس كبيرة و مشغولة بفكر الكنيسة و بالتخطيط عشان المصلحة العامة لكل قبطى على ارض مصر)

و طبعا انا كالعادة هحلل موضوعك على الرغم من لهجته الهجومية الشديدة

1- قداسة البابا لا يحرم يا انطونيوس لأن المسيحية فيها يليق ولا يليق مش حلال او حرام

2-الكنيسة الارثوذكسية يا انطونيوس مش بتعانى من عقدة الاضطهاد ولا حاجة يا حبيبى و الا مكنش يطلع البابا بحكمته و هدوءه و سلامه اللى انت تعرفه اكتر منى و اكيد كل مصرى يعرفه كويس بيطلع يقول يا جماعة محصلش حاجة مفيش حاجة ربنا موجود ربنا شايف و بيحل كل مشاكل الاراضى و الاديرة و قتل الرهبان و تعذيبهم بهدوء و حكمة انت و امثالك متفهموهاش
و بعدين انت مين قالك ان الكاثوليك لا يضطهدون يا حبيبى متعملش نفسك بات مان السلام فى العالم و متقولش كلام ليس له اى سند و دليل
و بعدين انت كده بتناقض كلامك لانك قلت قبل كده فى الكليه بلسانك بنفس اللفظ ((البابا شنودة بتاعكم مبيعملش اى حاجة قدام الاضطهاد اللى شايفينه ))
و احب اقولك ان لولا حكمة البابا بتاعنا و حب الدنيا كلها ليه كان زمانك انت يا مسيحى يا كاتوليكى بتتبهدل فى بلدك بسبب الكلام غير المسئول اللى بيقوله بابا روما من هناك

3-بالنسبة لحكاية الدخل دى فاحنا كارثوذكس مبنسرقش يا انطونيوس كل اللى قلته على دخل الكاتوليك بينطبق تماما على الارثوذكس

4-طبعا انت فى موضوع الزواج خلطت اكتر من حاجة ببعض و دخلت المعمودية فى النص
احب اقولك يا حبيبى انطونيوس ان الكنيسة الارثوذكسية بترفض زواج ابناءها بطقس قداس اكليل غير ارثوذكسى لكن مسألة ارثوذكسى يتجوز اى حد من اى طايفة تانى و العكس مسألة فوق العادية (المهم الاكليل الارثوذكسى على يد كاهن ارثوذكسى) و ذلك لاختلاف الكهنوت الارثوذكسى عن كهنوت المنشقين
و بخصوص المعمودية نفس الكلام المعمودية الصحيحة لا تعاد لكن لابد ان تكون معمودية ارثوذكسية على يد كاهن ارثوذكسى

5-ايه الكلام الفاضى و الهبل ده ؟ ازاى يعنى الغير مسيحى يتجوز مسيحية ؟
الرسول بولس قال يقدس وليس يتزوج ( لو سمحتم بلاش تقليعات و بدع) اهى دى هى الحاجات اللى نسميها بدع

6-بالنسبة لمسألة التقسيمات الادارية دى غير واردة فى سياسة الكنيسة منذ مولدها لأن الرعاية لا سن لها و الكهنوت لا يشيخ و لكن لا ضرر من هذا التقسيم اذا كان لصالح الخدمة و الكنيسة بالنسبالكم

7- تشجيع زيارة القدس من عدمه شيئ انت قلت عليه وجهات نظر و دة مش خلاف عقيدى عشان نتكلم فيه و لكن ما زال تحفظى الشديد على كلمة يكاد يحرمها قائما

8-الصلاة من اجل الوحدة شيئ تفعله الكنيسة الارثوذكسية فى كل قداس لها لكن مسألة انكم خففتوا الحوار عشان لهجته الشديدة فده مش صحيح انتم خففتوا الحوار لأنكم بعد ما كدنا ان نقنع باباواتكم رجعتم للوراء لنفس السبب الذى انشقيتم بسببه قديما ( حب السلطة )

9-ههههههههه طبعا موقفك الضعيف باين اوى فى النقطة دى لأن انتوا ياللى بتكرموا العدرا اااااااااااخر تكريم مبتظهرش عندكم و بتظهر عندنا عشان تقوى الشعب من خلالنا و على فكرة احنا كمان بتظهر عندنا كتييييييير اوى فى هيئة صورة تقطر زيت او بخور او فى بعض الايقونات

10- طبعا النقطة دى عايمة جدا و مش واضحة بس احب اقولك ان مين اللى حكم بابا روما على الناس عشان يقسمهم اساسا لناس قديسين و ناس هتروح النار و ناس هتروح المطهر و جت منين اساسا كلمة المطهر دى مالهاش اساس فى اى مكان فى مسيحيتنا
ده فكر اغريقى اخذه بابا روما و انتوا طبعا عارفين انه معصوم يبقى خلاص كلامه مصدق حتى لو كان مالوش اساس
و بعدين ده تدخل فى شئون ربنا لأنه هو بس اللى يعرف مصير الناس و ازاى هيتعامل مع كل واحد بعد موته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Shakespeare
عضو ماسى ( مفيش بعده )
عضو ماسى ( مفيش بعده )
avatar

ذكر عدد الرسائل : 1265
العمر : 29
العمل/الترفيه : English Young Man
تاريخ التسجيل : 06/03/2008

مُساهمةموضوع: رد: الطائفة الكاثوليكية على حق   الجمعة نوفمبر 28, 2008 1:05 pm

11- فى نقطة من يملك الخلاص فدى انا هقسمها لحاجتين اولهم ان فعلا مش ممكن حد على وجه الارض يحتكر الخلاص ابدا لكن تانى حاجة ان ايمان بدون اعمال ميت فمفيش حاجة يا حبيبى اسمها(( يرضى ربنا بغض النظر عن ديانته)) امال فين المعمودية مثلا و الافخارستيا

12-اى طائفة يقوم البابا المسئول عنها او رئيسها يرجع الى الكتاب المقدس واقوال الاباء الاوائل ثم يتم عرض الامر علي كبار الكهنة والمتخصصين وعلى لجان مختلفة لابداء الراى حتى يتم الاستقرار عليه قبل طرحه على الشعب و مع ذلك لا يقولون حينها ان البابا بتاعنا معصوم من الخطأ ولا مجال للجدال و المناقشة معه
انا اعرف ان موضوع عصمة البابا ده الكاتوليك قعدوا فيه مع نفسهم كذا قعده و كل ده عشان يخرجوا بالكلمتين اللطاف اللى انت قلتهم عشان طبعا ده قرار صادر من زماااااااان لنفس السبب اللى انشقيتوا بسببه ( حب السلطة )

13- مسألة عدم اشتغال الكهنة باى شيئ غير حمل نير الكهنوت دى معروفة عند الارثوذكس تمام

14-(((اما اذا وصلت المشاكل بين الزوجين الى طريق مسدود يتم التفريق بينهما جسديا لاعطاء فرصة لكل واحد منهما لكى يفكر بهدوء فى حل مشاكلهم . ))) لغاية قبل الجزء ده الكلام كان تمام و ده اللى بيحصل عند الارثوذكس لكن الكنيسة الارثوذكسية معندهاش المفهوم الغامض اللى انت قلته ده
يعنى ايه فترة انفصال؟؟؟؟
و بعد الفترة دى بيحصل ايه يعنى؟؟؟
طب و ليه انفصال و ممكن حل الموضوع مباشرة بالحوار و التواسط بين الزوجين... ؟؟؟

15-ههههههههههههه طبعا كلامك بيحمل ضعفه فى طياته لأن النقل مش حل لكاهن متجاوز يا انطونيوس لأن التجاوزات اللى بتتعمل هنا ممكن تتعمل هناك و هكذا ( يبقى انتوا بقى بتحلوا مشاكلكم بكلمة معلش و بالطبطبة)


احنا بقى عندنا ايه .... زى مانت قلت لاننا بشر فهناك من الكهنة من يتعد بعض اختصاصاته او من لايكون هناك تجاوب بينه وبين شعب كنيسته فتلجأ الرئاسة الدينية هنا الى الانذار ثم التشليح لانى اكيد مش هسيب كاهن متجاوز او مهرطق او متكبر او... او... او... يحمل كهنوت و هو بالصفات دى



و فى النهاية يا انطونيوس انا كده وصلت و اتأكدت ان انت هدفك الوحده و ده طبعا واضح من الموضوع اللى مليان محبة و وداعة
ههههههههههههههههههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
انطونيوس
عضو نشيط
عضو نشيط


ذكر عدد الرسائل : 73
العمر : 30
العمل/الترفيه : طالب
تاريخ التسجيل : 17/05/2008

مُساهمةموضوع: رد: الطائفة الكاثوليكية على حق   الثلاثاء ديسمبر 02, 2008 11:13 pm

في شاب مسيحي مهذب ومثقف ومحترم يقول " ايه الهبل وايه العبط "
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عماد
عضو مالوش حل (ذهبى)
عضو مالوش حل (ذهبى)
avatar

عدد الرسائل : 323
تاريخ التسجيل : 17/03/2008

مُساهمةموضوع: رد: الطائفة الكاثوليكية على حق   الأربعاء ديسمبر 03, 2008 11:42 am

ياانطونيوس انت معرفتش ترد تقول شاب مهذب ومش عارف ايه

ياعم رد الاول ومع ذلك انا ومينا اصحاب وبعتذر عنو
بس بصراحه انا بعذر مينا لان كلامك يعصب
بكرر تاني رد الاول
بعد كده رد الاول شكرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Shakespeare
عضو ماسى ( مفيش بعده )
عضو ماسى ( مفيش بعده )
avatar

ذكر عدد الرسائل : 1265
العمر : 29
العمل/الترفيه : English Young Man
تاريخ التسجيل : 06/03/2008

مُساهمةموضوع: رد: الطائفة الكاثوليكية على حق   الأربعاء ديسمبر 03, 2008 6:45 pm

ههههههههههههه
انت يا انطونيوس سيبت كلللللللللللللللللللل كلامى و مسكت فى ايه الهبل و العبط ده
و انا يا سيدى مثقف و مهذب و بكرر كلامى اللى قلته لانه فعلا هبل و عبط
يا سيدى انت رد على كلامى بس فى الاول و بعدين نتحاسب و لا انت عملت زى التعلب اللى شاف كتكوت غلبان فضربه راح قاله هو انا عملتلك حاجة راح قاله امبارح ضربتنى قاله يا عم التعلب انا لسة مولود النهاردة قاله يبقى مش انت ده ابوك الاسبوع اللى فات قاله يا عم التعلب ابويا ميت من زمان قاله يبقى جدك قاله يا عم جدى مش من المزرعة دى اساسا......

انت هتمووووووووووووووت و تطلعلى غلطة بس مش هتلاقى لان انت غلطاتك كتيييييييييرة و عايم فيها لما تبقى تنقذ نفسك من وحلك ابقى تعالى كلمنى عن اخطائى
هههههههههههههههه
شكرا للرفيق عماد حبيب قلبى على كلامه اللى لو كنت اتكلمت بايجاز مكنتش هقول غيره
يا عماد احب اقولك ان انت شخص ارثوذكسى محترم و تعيش داخل مكان اسمه قلبىىىىىىىىىىىىىىىىىىىىىىىىىىىىىىىىىىىىىىىىىىىىىى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
انطونيوس
عضو نشيط
عضو نشيط


ذكر عدد الرسائل : 73
العمر : 30
العمل/الترفيه : طالب
تاريخ التسجيل : 17/05/2008

مُساهمةموضوع: رد: الطائفة الكاثوليكية على حق   الخميس ديسمبر 04, 2008 1:01 am

اولا معني ان الشخص يدخل السموات هو الاتحاد الكامل بشخص يسوع المسيح وهل يجوز لسخص اخطا بعض الاخطاء البسيطه جدا ان يدخل النار او ان يتحد الاتحاد الكامل بشخص يسوع المسيح بهذه الاخطاء وهنا يذهب هذا الشخص الي ما يسمي بالمطهر هذه هي فكره مبسطه عن المطهر عند الكاتوليك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Shakespeare
عضو ماسى ( مفيش بعده )
عضو ماسى ( مفيش بعده )
avatar

ذكر عدد الرسائل : 1265
العمر : 29
العمل/الترفيه : English Young Man
تاريخ التسجيل : 06/03/2008

مُساهمةموضوع: رد: الطائفة الكاثوليكية على حق   الخميس ديسمبر 04, 2008 4:34 am

احترم كلامك كل الاحترام لكن يا انطونيوس احنا كبشر مالناش دعوة بالمستقبل السماوى للناس سواء الخاطى او البار و بعدين ارجع و اقولك ان دى عقيدة مبتدعة و مالهاش اساس مسيحى دى فكرة اغريقية قديمة اتغيرت عند الكاثوليك اكتر من مرة لما اتوجهتلها الانتقادات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
انطونيوس
عضو نشيط
عضو نشيط


ذكر عدد الرسائل : 73
العمر : 30
العمل/الترفيه : طالب
تاريخ التسجيل : 17/05/2008

مُساهمةموضوع: رد: الطائفة الكاثوليكية على حق   الخميس ديسمبر 04, 2008 2:36 pm

شكرا ليك يا اخ عماد على ذوقك الزيادة ده ، وفعلا من فيض القلب يتكلم اللسان ، احب اوضحلك حاجة معينة ، وسيبك من اي كلام لاهوتي .
فوق كل شئ المسيحية حياة والمسيحية محبة ، فلأننا مسيحيين يتوجب علينا انا نقوم بافعال تليق بمسيحيتنا واتمني ، ان تكون حوارتنا بناءة وليست هدامة
وبعد كده انت يا عماد اخر من يتكلم لان بتبقى عامل زي الفرخة لما حد بيجئ يتلكم معاك ، وبعد كده انت بتقولي رد يعني كل الموضوع الطويل العريض ده مش عاجبك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Shakespeare
عضو ماسى ( مفيش بعده )
عضو ماسى ( مفيش بعده )
avatar

ذكر عدد الرسائل : 1265
العمر : 29
العمل/الترفيه : English Young Man
تاريخ التسجيل : 06/03/2008

مُساهمةموضوع: رد: الطائفة الكاثوليكية على حق   الخميس ديسمبر 04, 2008 11:39 pm

لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا
لا يا انطونيوس الاسلوب ده فى الكلام جارح بشكل واضح و مهين الى حد كبير جدا و انا كمشرف المنتدى و كانسان مسيحى و احب اقولك ان اللى بتعمله ده هو الضعف بعينه ... هو المجادلة الغبية بعينها ... هو الاهانة و التجريح و الشتيمة

عييييييييييييب عيب عيب يا انطونيوس انت فى منتدى محترم و فى قسم محترم و بتكلم اشخاص محترمين





انا مش هحذف كلامك ده و هسيبه مش عشان حاجة غير عشان ان الكل يتفرج على اسلوبك فى توجيه الحوار و لاحظ ان انذاراتى ليك كترت اوى الفترة الاخيرة بعد كده انا هحذف على طول دووون استئذانك نظرا للكلام المجحف اللى بتقوله فى حق اعضاء و زمايل لينا محترمين مغلطوش و ميقدروش يغلطوا فيك و لا فى اى حد من فرط ادبهم زى عماد ممتاز اللى انت غلطت فيه
راجع نفسك يا انطونيوس و عيب الكلام ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عماد
عضو مالوش حل (ذهبى)
عضو مالوش حل (ذهبى)
avatar

عدد الرسائل : 323
تاريخ التسجيل : 17/03/2008

مُساهمةموضوع: رد: الطائفة الكاثوليكية على حق   الأحد ديسمبر 07, 2008 10:49 am

انا دلوقت بدعو كل اعضاء المنتدي انهم يدخلو ويشوفو ردي

ورد انطونيوسوهما يحكمو بنفسهم لان انا فعلا مغلطش انا بقولو رد الاول
ومتمسكش اي شي جانبي بسبب عجزك عن الرد
انت كده الي غلطت فيا انا مش هرد عليك بعد مينا
بس انا هدعوالاعضاء يدخلو ويشوفوالردود ويحكمو
ملحوظه هامه
انطونيوس كاثوليكي وعماد ارثوذوكسي
قارنوا اسلوب الحوار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عماد
عضو مالوش حل (ذهبى)
عضو مالوش حل (ذهبى)
avatar

عدد الرسائل : 323
تاريخ التسجيل : 17/03/2008

مُساهمةموضوع: رد: الطائفة الكاثوليكية على حق   الأحد ديسمبر 07, 2008 10:51 am

الحوار البناء هو الي يطلع بنتيجه
في الاخر سوال مهم لكل الاعضاء
هل حوار انطونيوس بناء؟
شكرااااااااا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Shakespeare
عضو ماسى ( مفيش بعده )
عضو ماسى ( مفيش بعده )
avatar

ذكر عدد الرسائل : 1265
العمر : 29
العمل/الترفيه : English Young Man
تاريخ التسجيل : 06/03/2008

مُساهمةموضوع: رد: الطائفة الكاثوليكية على حق   الأحد ديسمبر 07, 2008 2:10 pm

طبعا يا عماد انا مقدر حزنك على المستوى المتدنى اللى وصله اخواننا الكاتوليك فى الحوار و الاسلوب اللى انا وصفته بالجارح و المهين
لكن انا طال منك تتماسك و متزعلش لأن ده مش جديد عليهم ا

انا بضم صوتى لصوت عماد و بدعو كل اعضاء المنتدى و بدعو الغير مسجلين كمان انهم يدخلوا و يشوفوا بنفسهم الاسلوب و الحوار و المناقشة و الطريقة الهابطة اللى بيتكلم بيها اخواتنا الكاثوليك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عماد
عضو مالوش حل (ذهبى)
عضو مالوش حل (ذهبى)
avatar

عدد الرسائل : 323
تاريخ التسجيل : 17/03/2008

مُساهمةموضوع: رد: الطائفة الكاثوليكية على حق   الإثنين ديسمبر 08, 2008 11:49 am

شكرا ليك يامينا

بس انا كمان عايز كل الاعضاء تدخل
وتشوف حوار الكاتوليك شكله ايه
انا مش هسكت غسر لما نشوف
الفرق بسن الارثوذوكس المتحضرين في اسلوب الحوار
والكاثوليك الي بيشتمو لعجزهم عن الرد وطالب منك يا مينا
باعتبارك مشرف للقسم انك تخلي الموضوع ده عشان كلو
يعرف اسلوب الكاثوليك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Shakespeare
عضو ماسى ( مفيش بعده )
عضو ماسى ( مفيش بعده )
avatar

ذكر عدد الرسائل : 1265
العمر : 29
العمل/الترفيه : English Young Man
تاريخ التسجيل : 06/03/2008

مُساهمةموضوع: رد: الطائفة الكاثوليكية على حق   الإثنين ديسمبر 08, 2008 2:12 pm

انا متشكر ليك جدا يا عماد على انك تمالكت نفسك امام همجية اخوتنا الكاثوليك و اتصرفت بحكمة و هدوء و طبعا انا هنفذ طلبك بكل سعة لأن ده حقك

و اسف كمان مرة بالنيابة عن احبائنا الكاثوليك اللى غلطوا فيك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ماركو
عضو ماسى ( مفيش بعده )
عضو ماسى ( مفيش بعده )
avatar

ذكر عدد الرسائل : 507
العمر : 27
العمل/الترفيه : بحب الكمبيوتر و الانترنت
تاريخ التسجيل : 12/03/2008

مُساهمةموضوع: رد: الطائفة الكاثوليكية على حق   الثلاثاء ديسمبر 09, 2008 5:44 pm

انطونيوس بصراحة انا شايف انى موقفك ضعييييييييييييييييييييييييييييييف خالص قدام ردود مينا و عماد
انت لازم تدرس الاول لانى شايف و بصراحة ان الحوار مش متكافئ خالص و انك لسة موصلتش لدرجة انك تتناقش فى موضوع زى كدا
عموما اتمنالك التوفيق و انصحك انك متفتحش المواضيع دى تانى و لو الكاتوليك كلهم زيك كدة يبقى احسن لكم لو عايزين تحتفظوا بعقيديتكم متناقشوش حد لان انا لو لا قدر الله كنت كاتوليكى كنت هقتنع بكلام مينا اللى انت نفسك مقتنع بيه و بتغالط نفسك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Shakespeare
عضو ماسى ( مفيش بعده )
عضو ماسى ( مفيش بعده )
avatar

ذكر عدد الرسائل : 1265
العمر : 29
العمل/الترفيه : English Young Man
تاريخ التسجيل : 06/03/2008

مُساهمةموضوع: رد: الطائفة الكاثوليكية على حق   الثلاثاء ديسمبر 09, 2008 7:52 pm

شكرا ليك ايها العضو ماركو علبى صراحتك و شجاعتك و احترامك لأدب الحوار
احييك ليس انا وحدى بل انا و عماد ممتاز و كل عضو ارثوذكسى يحترم هذا المنتدى
جميعنا نحييك على رأيك الواضح الشافى القاطع البعيد عن الاهواء و الذاتية الارثوذكسية

شكرا لمرورك و ابداء الرأى الكريم و وقوفك بجوار العضو المظلوم عماد ممتاز
تقبل منى بالنيابة عن نفسى و بالاصالة عن قسم اللاهوت المقارن كله فائق الاحترام و خالص التحية الطيبة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
انطونيوس
عضو نشيط
عضو نشيط


ذكر عدد الرسائل : 73
العمر : 30
العمل/الترفيه : طالب
تاريخ التسجيل : 17/05/2008

مُساهمةموضوع: رد: الطائفة الكاثوليكية على حق   الثلاثاء ديسمبر 09, 2008 11:47 pm

وانا بقى باقولك يا مينا ان المطهر ده مش عقيدة مبتدعة ، لانها لو كانت عقيدة مبتدعة مكنش امن بيها بابا روما على الاقل ، اللي هو يعتبر حامي الايمان في العالم المسيحي كله بلا استثناء.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Shakespeare
عضو ماسى ( مفيش بعده )
عضو ماسى ( مفيش بعده )
avatar

ذكر عدد الرسائل : 1265
العمر : 29
العمل/الترفيه : English Young Man
تاريخ التسجيل : 06/03/2008

مُساهمةموضوع: رد: الطائفة الكاثوليكية على حق   الجمعة ديسمبر 12, 2008 1:05 am

مع كل احترامى لكلامك انا مش مقتنع لعدم وجود دليل لكلامك
كل امك مجرد رأيك الشخصى ز طبعا انا بحترم رايك الشخصى بس مش ده المطلوب فى المنتدى

احنا عاوزين دلائل و اثباتات من الكتاب

و بعدين مش دليل ابدا على صحة المطهر انك تقول ان بابا رزما يؤمن بيها اذا دى عقيدة سليمة
ده كلام فاضى لا يستند لاى دليل كتابى... مش كده ولا ايه؟؟؟ يا راجل خاف الله

حاجة تانى بعد اذنك .. مين اللى نصب بابا روما حامى الايمان فى العالم المسيحى كله؟؟؟؟؟؟؟؟
عمل ايه عشان يبقى حامى الايمان فى العالم المسيحى كله؟؟؟؟؟؟؟؟؟
ده كل اللى بيعمله انه بيشتم فى الناس و بيسبب لينا مشاكل مع اخواتنا المسلمين هنا فى مصر
و لولا حكمة قداسة البابا شنودة و تعامله مع المواقف الحساسة اللى بيسببها بابا روما كان كل المسيحيين فى مصر بما فيهم انت واقعين فى مشاكل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الاكليريكى/ مايكل وليم

avatar

ذكر عدد الرسائل : 22
العمر : 31
العمل/الترفيه : المحبة يااخوتى رباط الكمال
تاريخ التسجيل : 05/07/2009

مُساهمةموضوع: عتاب شديد   الإثنين يوليو 06, 2009 6:43 pm

اولاً اسمحولى انى اقول رأيى فى الحوار اللى فات بكل محبة وعتاب تقبلوه رجاء فى المسيح

اخويا Shakespeare و ماركو و انطونيوس

عايز اقولكم اذا كان الحوار مش سليم واذا كنتم مش بتعرفوا ازاى يكون الحوار المسيحى مضبوط يبقى احسن متتحوروش لغاية لما تتعلموا ازاى تتكلموا مع بعض بمحبة وبعقلانية ............
احنا كده محصلناس المسلمين اللى بيفرحوا لما بيشوفونا نقطع فى بعض ...لو سمحتم كفاية تفرقة وتعصب وكفاية كبرياء وغرور لان ده من الشيطان ...............

وبعدين عايز اعلق على كلمة اتقالت ياريت بالقعل صاحبها يحذفها اذا اراد /
ده كل اللى بيعمله انه بيشتم فى الناس و بيسبب لينا مشاكل مع اخواتنا المسلمين هنا فى مصر

هل اقدر اقول على البابا شنوده الكلام ده وحضرتك متزعلش !!!!!!!!!!!!!!!!!!!!!!!!!!!!!!!!!
لاحظ ان بابا روما مش صغير ولا لسة بيتعلم ولا بيخاف من كلمة الحق ومش بيقول ويفضل يقول : كلنا واحد ومفيش فرق ...والهلال مع الصليب علشان نتجنب المشاكل ....ألخ .بلاش ننافق فى الكلام واختار الكلام المعقول وتقوله بجد وأنا لو الطريقة دى استمرت بجد يبقى بعد اذنكم احذفوا عضويتى من المنتدى

صـلوا من اجلى انا الخاطىء/ مايكل وليم...الاكليريكى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
osamacaesar
عضو ماسى ( مفيش بعده )
عضو ماسى ( مفيش بعده )
avatar

ذكر عدد الرسائل : 1004
العمر : 40
العمل/الترفيه : Data Entry Operator
تاريخ التسجيل : 26/12/2007

مُساهمةموضوع: رد: الطائفة الكاثوليكية على حق   الثلاثاء يوليو 07, 2009 9:59 am

اخي الحبيب مايكل ياريت متزعلش من موضوع و الاغلب انة موضوع مقتبس من منتدي اخر و الكلام دا من اكتر من سنة و بجد احنا بنحب اخوتنا الكاثوليك و الكنستين الكاثوليك و الارثوذكس يعتبر شقيقتان و انا نيابة عن الاعضاء بقدملك اعتذاري و نتمني اننا هنا في هذا المنتدي نركز علي الارضية المشتركة بين الطوائف لان كل الطوائف المسيحية الثلاثة جوهرها واحد و هو لاهوت السيد المسيح لة المجد و ربنا يبارك حياتك و نتمني من حضرتك موضوعات مشتركة عن شخص السيد المسيح لة المجد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الاكليريكى/ مايكل وليم

avatar

ذكر عدد الرسائل : 22
العمر : 31
العمل/الترفيه : المحبة يااخوتى رباط الكمال
تاريخ التسجيل : 05/07/2009

مُساهمةموضوع: شكر على محبتك   الأربعاء يوليو 08, 2009 11:35 pm

اشكرك بجد يااخى المحبوب على محبتك ..................


وأتمنى فعلا ان الكلام اللى حضرتك قولته انه يتنفذ مينش كلام انشاء وخلاص ،،، مينفعش اقول انا هااهتم بحاجة واعمل عكسها ،،،،،ياريت فعلا نهمت بالارضية المشتركة بين الكنايس لان هى دى الاهم ،، دى اللى بتدى معنى جميل للمسيحية

اذكرك بمقوله مشهورة ل غاندى :

انى احب المسيحية ولكن لا أحب المسيحيين ..............

محتاجين اننا نقدم المسيح المحب بمحبتنا لبعض ،،الناس فعلا عطشانه لده ...............

انا اسف ان كنت طولت عليك واوعدك انى هااصليلك ونصلى كلنا مع بعض من اجل النية دى بكل روح وبكل وحدة ومحبة ..................ربنا يبارككم ......................صلوا من اجلى اخوكم الخاطىء/ مايكل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
osamacaesar
عضو ماسى ( مفيش بعده )
عضو ماسى ( مفيش بعده )
avatar

ذكر عدد الرسائل : 1004
العمر : 40
العمل/الترفيه : Data Entry Operator
تاريخ التسجيل : 26/12/2007

مُساهمةموضوع: رد: الطائفة الكاثوليكية على حق   الخميس يوليو 09, 2009 9:25 am

اخي الغالي مايكل بجد انت انسان محترم و مثقف و نتمني من حضرتك مزيد من موضوعات المهمة عن استحالة تحريف الكتاب المقدس و الشبهات الوهمية علي الكتاب المقدس و علم الابائيات لان دي موضوعات من وجهة نظري موضوعات قيمة و ربنا يبارك حياتك امين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الاكليريكى/ مايكل وليم

avatar

ذكر عدد الرسائل : 22
العمر : 31
العمل/الترفيه : المحبة يااخوتى رباط الكمال
تاريخ التسجيل : 05/07/2009

مُساهمةموضوع: رد: الطائفة الكاثوليكية على حق   السبت أغسطس 01, 2009 4:35 pm

اشكرا اخى الغالى على محبتك العظيمة واتمنى انك تصلى من اجلى


ربنا يبارك المنتدى لمجد اسمه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الطائفة الكاثوليكية على حق
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ربنا موجود :: قسم اللاهوت :: اللاهوت المقارن-
انتقل الى: