حرك الموس من غير موس

[center]يا جماعة دى حركة كنت اتعلمتها من زمان
وهى انك تحرك سهم الموس من غير ما يكون فى موس اصلا
يعنى تخيل نفسك الساعة 3 بليل والموس باظ وانت هتموت وتستعمل الجهاز تعمل ايه؟؟؟

هتعمل اللى انا هقولك عليه
بص يا سيدى
معلوم ان دلوقتى انت مش معاك موس
هدوس على الذرار اللى مابين الالت والكنترول (علامة الويندوس)
من قائمة start هتختار control panel ومنها هتختار accessibility options
وجواها هتستعمل ال tab(تحت الاسكيب بذرار) لحد ماتلاقلى مربع متكون من نقط منفصله عن بعضها واقف
على كلمة keyboard دوس سهم يمين لحد ما توصل عند mouse برضو بال(tab) والمسطرة دوس على

use mouse keys

بعدها خش setting علشان تزود سرعة الموس بدل ما هيبقي ممل كتر ماهو اصلا
على السرعتين ودوس اوك ودوس كمان اوك

بعدها بص تحت عند الساعة شمال هتلاقى رمز جديد ظهرلك


طيب السؤال دلوقتى هتحرك ازاى يا فالح؟؟ صح؟؟
الاجابة بسيطة
عاوز يمين 6 عاوز شمال موجود 4 عاوز فوق اكيد فيه 8 مطلوب تحت اساسى عندى 2 فاضل ال click

بسيطة ال5
ملحوظة استعمل الارقام الى على الجنب مش اللى فو ق الكي بورد بس خد بالك لما الموضوع ده يشتغل الارقام اللى فى الجنب هتوقف كمان كأرقام عشان تشتغل كأسهم يا باشا

مستنى اعرف الاخبار
انا اسف ان كنت بشرح شرح ممل بس هو دقيق[/center]

الموضوع دة انا وخدة من اخوية ليكم ويارب ينفعكم

شكرا ليكى يا ماريا على الشرح الجميل ده

ميرسى خالص يا ماريا شكرا ليكى
و اشكريلى اخوكى جدا عشان انا كنت بدور على الطريقة دى من فترة

ميرسى لمرورك يا بيتر

ميرسى يا ادمن

ميرسى لمرورك يا ماركو
ويارب الموضوع يكون نفعك